'పదో తరగతి' ఫలితాలు నేడే.. 9,10 తరగతుల పేపర్లు కుదిస్తూ ఉత్తర్వులు

హైదరాబాద్: పదో తరగతి పబ్లిక్ పరీక్షల ఫలితాలు నేడు విడుదల కానున్నాయి. సచివాలయంలో ఉదయం 11.30 గంటలకు గవర్నర్ సలహాదారు సలావుద్దీన్ అహ్మద్, మాధ్యమిక విద్యాశాఖ ముఖ్య కార్యదర్శి రాజేశ్వర్ తివారీ విడుదల చేయనున్నారు.www.bseap.org, ఇతర వెబ్ సైట్ ల ద్వారా కూడా విద్యార్థులు ఫలితాలను తెలుసుకోవచ్చని ప్రభుత్వ పరీక్షల విభాగ అధికారులు తెలిపారు.

9,10 తరగతుల పేపర్లు కుదిస్తూ ఉత్తర్వులు

హైదరాబాద్: 9,10 తరగతుల పరీక్షా విధానంలో 2014-15 విద్యా సంవత్సరం నుంచి సంస్కరణలు ఆమోదిస్తూ ప్రభుత్వం ఉత్తర్వులు జారీ చేసింది. దీని ప్రకారం తెలుగు, ఆంగ్లం, హిందీ, ఉర్దూ తదితర భాషలకు సంబంధించి ఒకే పేపరు ఉండనుంది. భాషేతర అంశాలైన గణితం, సామాన్య శాస్త్రం, సాంఘిక శాస్త్రాలకు రెండేసి పేపర్లు ఉండనున్నాయి.