మహాధర్నాలో విషాదం..

ఢిల్లీ : ఎపిఎన్జీఓ నిర్వహిస్తున్న మహాధర్నాలో విషాదం నెలకొంది. ఎపిఎన్జీఓ నేత, నెల్లూరు జిల్లాకు చెందిన దామోదర్ గుండెపోటుతో మృతి చెందారు. ఆయన మృతికి సంతాప సూచకంగా ఎపిఎన్జీఓలు రెండు నిమిషాల పాటు మౌనం వహించారు. సమైక్య రాష్ట్ర పరిరక్షణ సమితి ఆధ్వర్యంలో రాంలీలా మైదానంలో రెండు రోజుల పాటు ధర్నా నిర్వహిస్తున్న సంగతి తెలిసిందే. ఈ ధర్నాలో పాల్గొనేందుకు నెల్లూరు జిల్లాకు చెందిన దామోదర్ వచ్చారు. సోమవారం ఉదయం గుండెపోటు రావడంతో కుప్పకూలిపోయాడు. వెంటనే ఇతడిని ఆసుపత్రికి తరలించారు. మార్గమధ్యంలోనే దామోదర్ మృతి చెందారు. దామోదర్ మృతి పట్ల ఎపిఎన్జీఓ సంతాపం ప్రకటించింది. రాష్ట్ర విభజన బిల్లు ఈనెల 13వ తేదీన లోక్ సభలో ప్రవేశ పెడుతున్న సందర్భంలో జరిగిన గందరగోళ పరిస్థితుల్లో టిడిపి నేత కొనకళ్లకు గుండెపోటు వచ్చిన సంగతి తెలిసిందే. ప్రస్తుతం ఆయన ఆసుపత్రిలో చికిత్స పొందుతున్నారు.